قصيدة / حصالة الوجع
2019/1/21
القلب حصالة وجع
يوم ما اتفجع
من زرعة سابت جدرها
واتنمردت على ارضها
راحت تمرمغ نفسها
ف تراب ماهواش زيها
وافقت تغير جلدها
وتبيع اصولها ونبعها
وتهين ف روحها ونفسها
كات زرعة م النوع الاصيل
ف حياتها ابدا لم تميل
وحافظة دايما للجميل
كانت تطيب ف العليل
كانت فروعها ف السما
والتاج يزينها انما
حبت تجرب لانحطاط
والانغماس ف المزروعات
من أسوأ نوع ف المخلوقات
واتمردت.....اتمردت
على اللى قام بزرعها
ورواها بعرقه وحبها
لكنها عاشت وحيدة بحزنها
دبلت فروعها و وردها
ماتت شريدة وحدها
بعد اما نسيت اصلها
تعليقات
إرسال تعليق