وصيه
من ديوان / اللقيطة
للشاعر / مصطفى فريد
كتبت عمرى ملحمة
ع السطر فى الكراس
وضهرى عمره ما انحنى
ولا طاطيت الراس
أبويا قال لى زمان
إياك من الوسواس
مش بس جنى وشيطان
فيه م البشر أجناس
ملعونه من ربنا
أكتر من الخناس
ونصيحة مني أنا
إبعد عن الهلاس
لا تعامل خسيس يجرحك
ولا تبيع الدهب بنحاس
إطبع على خد الزمن
ذكرى تكون نبراس
وإن مت موت زى الشجر
بشموخ وعالى الراس
وزى ماعشت الحياة
راجل مابين الناس
عايزك تجينى نضيف
وتضيف لروحى أساس
يعلى قدرى هناك
ودعاك يكون وناس
مع كل دعوة صلا
روحى تزيدها حماس
تعليقات
إرسال تعليق