قصيدة//..من ما فيش..
"*""""*""""""*""""
بقلم الشاعر/السيد حسن السيد.
******""""""**********"""""""""
إن قلت لك ف يوم كرهتك.
ماتستغربيش؟!
حتى ان قالولك بيجيب ف سيرتك.
ماتصدقيش؟!
لا عاد بيهمنى خوفك ولا حتى غيرتك.
اللى ما بتنتهيش!!
لان اللى بنا مش غيرة حب.
دا قص ريش!!
ليه مفهمانى إنك بتغيرى علييا؟
وف الحقيقة مابتغريش؟!
انتى لو بتحبى بجد حتثقى فييا؟
حتشترينى وماتبعيش؟!
إياكى تكونى بالأسيه فاكره حتلوى.
دراعى مابيتلويش؟!
قلعتى الحب وزرعتى كره وجفى.
من مافيش!!
ماتت المشاعر م البرد بعد الدفى.
وسارت الحياة أرض بدون حشيش!!
بطلت أرسم قلوب ع الحيطان.
وقفلت مابينى وبينك كل الببان..
مابقتش أنا الحبيب بتاع زمان!!!
فما تزعليش؟!
زى ما انتى باللوع بديتى.
تبقى مستبدة وأفتريتى..
ع القلب اللى حبك واشتريتى!!!
حاجات ماتساويش؟!
فما تلومنيش؟!
ع الكئابة اللى انتى دايما تخلقيها!
لاجل ما ابقى فيها طرف؟!
ليه تملى كل ما بتيجى تكحليها؟
تعميها.. وتصطنعى لييا القرف؟!
حتى ف اوقات السعادة.
منك عمرى ماشفت ترف؟!
حب إيه وانا عايش فيه طير جريح؟
كل يوم نازلة فيه سلخ ودبيح؟!
وكل ما عوزك تبقى لييا طبيب مداوى.
تسبينى أعوى وما تداويش؟!
انا مابقتش كمان بخاف عليكى!
علشان علييا مابتخافيش؟!
حتى الشعر اللى كتبته بإحساسى فيكى!
لاقيتك بيه مابنؤمنيش؟!
فمن السعادى لا انا ملكك ولا ملك حد.
انا لنفسى خلاص حعيش؟!
فلو قلتلك ف يوم كرهتك؟
ماتستغربيش؟!
تعليقات
إرسال تعليق