....شعب بريء..الشاعر رمضان البربري
أفرم دغدغ زيح الستار
إطحن كسر هد الجدار
واكشف كل نقاب مداري
وافضح كل فاسد حمار
عري الهيبة وانشر كتاب
وسطر فية فضايح الهباب
واحكي وقول كل البلاوي
خلي الشعب يشيل الضباب
طهر أرضك وارسم الحدود
صحي التايم إنعش الوجود
وخلي الكل يقول أنا غاوى
حب الوطن من حب المعبود
وارفع علمك في كل طريق
وسيب علامة لكل شقيق
وغني لمصر كتير غناوي
لأن مصر شعب بريء
وطبطب بإيديك الإتنين
علي كل مهموم وحزين
وامسح دمعة وراها دمعة
لشعب بيعافر من سنين
وخلي الفرحة في كل دار
وارسم بسمة ليل نهار
واعرف إن العدل ميزان
رافع صاحبة للجبار
تعليقات
إرسال تعليق