سكتي
=============
ماشي لوحدي سكتي
تايه يا أمي في الطريق
كاتمه عليا غربتي
زي اللي عالشط وغريء
زي اللي عايش طول حياته
مكسور ماقالش مره أه
نفسه يلاقي مره ذاته
يحس طعم للحياه
لا عمره نافق أي حد
ولا كان في مره كمان دنيء
ولا عمره يشكي بوجعه حد
ولاحتي حس بيه صديق
تعبان و وجعي صعب يا امه
الغربه كاتمه نفسي. يا امه
بس اعمل ايه قوليلي
ابنك قلبه لساه بريء
================
كنت هعمل ايه يا غاليه
لو بقيت بطولي جمبك
غصب عني الأيد ما طايله
لجل أطيب لك في خاطرك
قولت اتغرب وأحلم
وإنتي عارفه الغربه عالجم
بس ليا الغربه أسلم
ايوه عايز جبر خاطرك
أصل انا تعبان بوجعي
والوجع مكتوم في جوفي
مجبور إني أخبي دمعي
ولا حتي أشكي ظروفي
والظروف بالحكم فيا
تبقي برضه عليا ظلمه
وانتي واحدك بس ليا
اللي ترضا عليا يا اما
بس اشوفك راضيه عني
إدعي بس الله يعيني
والوحيد اللي لازمني
هو بس دوعاكي يا امه
ايوه يا امه
سكتي واحدي ماشيها
بس لازم اكون عنيد
هي غربه وعشت فيها
عنك انتي كمان بعيد
واللي يسأل قولي ابنك
عضمه ناشف عود شديد
وربي أعلم باللي فينا
وبكره يرجع البعيد
هي بس وقت غمه
راح تزول برضاكي ي امه
عيني علي اللي انكسر
ويداري أه جواه
راضي بحكم القدر
راضي بأمر الله
لاعمره باح بالوجع
ولا يشتكي لمخلوق
حتي ولو مخنوق
كاتم في قلبه الأه
=============
احمد طلبه......
تعليقات
إرسال تعليق