من ديوان..أوتار العشاق...الديوان المشترك مع شعراء حزب مصر القومي...الشاعر رمضان البربري
حاولوا كتير يبعدوني
ويحزروني من طبعها
وسهروا كتير ينادوني
إن الغرور من صنعها
وسكتها صعبة
ولياليها غربة
والقرب منها
مستحيل يكون لها
هما شافوها واتبسموا
ومن جمالها اتعجبوا
ومقبلوهاش ومعرفوهاش
ولا عرفوا لمين قلبها
حكموا عليها واتكلموا
ومن سحر عنيها استغربوا
ومطالوهاش ومسألوهاش
ولا عرفوا لمين حبها
وميعرفوش إن قلبي
عاشق المحال
إن كان غرور أو كبرياء
أو حتي ما في الخيال
وميعرفوش إن الغزال
في خطوتة ميال
وإن الجمال ويا الدلال
لهم قلب وخيال
وشغلتها بإبتسامة
ومشوفتش منها ملامة
وشوفت أجمل يمامة
خلت قلبي في دوامة
بصيت لها عديت لها
شاورتلي أروح عندها
حنيت لها هديت لها
قطفت لي وردة
بلون خدها
تعليقات
إرسال تعليق