هالزيتونة ............................د . ملك محمود الأصفر
هالزيتونة
............................
هالزيتونة بأرض الدار
ياعيني حباتا كبار
وراقا خضر وشو حلوين
وللمونة بتعطي قنطار
والزيتونة أحلى شجرة
مناخد منها أطيب ثمرة
ازرعها بالحقلة وبالبيت
وشوفا كيف بتبقى خضرا
........................
الزيتونة الله مباركها
ياعيني طيبة طعمتها
الله يديما علينا نعمة
ويديم علينا بركتها
من حباتا منعصر زيت
نكهتو طيبة وشهية
منتمون منو بالبيت
مندهن منو الجسم شوية
.......................
ولو عندك شجرة بهالدار
بتاكل بتطعمي الأهلية
وأنت وولادك لصغار
بتقعد تحتا بالصيفية
وبتشرب فنجان القهوة
بأحلى لمة وقعدة هنية
وبتزين فيها هالدار
بتستمتع فيها يومية
.....................................
د . ملك محمود الأصفر
تعليقات
إرسال تعليق