غلبني القلب وأنا بنهاه................ فايز أهل 14-8-19

غلبني القلب وأنا بنهاه

يسيبه ويبتعد عنه؛ ولا يعاود يجري وراه...

عصاني؛ وراح له من تاني

ده ياما اشتكى ظلمه؛ وياما إشتكى من الآه...

طب بتشتكي منه ليه؛ وتئن

نصحتك ياما؛ ياما كتير؛ تسيبك من حبه وتنساه...

وبردو؛ بترجع له من تاني

تقول.. سعادته بعذابك ؛ وتظن فرحتك برضاه...

يا قلبي؛ تعبني ليه وياك

يوم مبسوط مع المحبوب؛ وكتير أيام شجن وياه...

ميمكن قلبه مش فاضي

أو يمكن ليه حبيب تاني؛ ومتهني وسعيد بهواه...

متسيبه؛ وشوف حبيب غيره

حنون عليك ومتمسك؛ تقولي دنيتي هو؛ مقدرش أنساه..

طب إصبر وبلاش تشتكي منه

وعود روحك على الفرقه؛ وعودها كمان ع جفاه...

اسمعني يا قلبي لو مرة

بروحك إفدي من حبك؛ ومن باعك إنسى هواه...

مهو الحب مينفعش

بطرف لاهي ولا هامه؛ وطرف تاني ضناه الآه...

فايز أهل 

14-8-19