بتعلمني ازاي اكون ......... احمدعبدالحق
بتعلمني ازاي اكون
ازاي احس
ازاي يكون لغة الحوار
بتفهميني اني حاجه
اي حاجه
وباختصار
بتوهميني باني واهم
بتقولي فاهم
وتنزلي انت الستار
لا وحياة حبي ليك
بيعي زي ماانت عاوزه
وانا بدوري ماهشتريك
حتي لو اعتذرت
وتقولي ده كان لحظه هزار
--------------------------------
تعالي يلا واتعلمي
صدق الشعور
واكتبي يلا سطرين ادب
وجربي تتعلمي
قبل الغرام
يكون عندك حبة ادب
حبة مشاعر بالامانه
مش مهم تعيشي ملكه
دي مكانه
ودي مكانه
وبين غرورك بتزرعي
ورده جبانه
هو عشان تداري شعورك
لازم اهانه
بتفهميني
وتعلميني
وبتجرحيني
طب ماكنت اولي تكتبيني
حرفين ادب
مش اي حد يحس حد
ومش اي حس يبقي بجد
ومش اي حروف تنكتب
الخلاصه وبامانه
من غير ماافسر
فاقد الحب لايحب
وفاقد كل حاجه
والله ماعنده قلب
احمدعبدالحق
تعليقات
إرسال تعليق