وهذه فرحة تونسية عامية..... ★★★★★★★★★★★★★★★بقلم هاجر
وتستمر الفرحة والمحبة الصادقة....
وهذه فرحة تونسية عامية.....
★★★★★★★★★★★★★★★
فرحة تونسية
محلاها الفرحة كِيف تطل
زغاريد تتعالى في المحفل
صبايا ونساوين تهل
ڨد وزين، وهره تسحر
والعينين بمروِد لُكحُل
هاذي بنتي يا محلاها
الضحكة زادت في بهاها
نجمة تلالي في سماها
وقمره تضوي على الكل
وهاذي جاره، جاية تهني
هاذي الخالة، و هذا عمي
ناسي ليكم نهدي فني
ونرڨص مع لأحباب الكل
يا فرحة ديما زورينا
بنجاح قريب وعرس يزهينا
نزهى، وتزهى امَّالينا
يا فرحة منا لا، لا تفِل
زعمة تبقى زاهيتلي الايام
نفرح، نحيا ونحقق الاحلام
والخير ديما زايد القدام
وتبقي يافرحة لينا كيف الظـُل.
يا فرحة خوذي هالكلمة مني
مهما كثرت عندي الأحزان
ومهما قابلت غدر من إنسان
ومهما خذلوني بيك الخلان
نبقى ديما معاك على العهد
ولا، لا ما نخون الوعد
في قلبي على طول منوره
وعلى وجهي بدر مصوره
نفرح أنا ونفرح الناس الكل
بقلم هاجر
تعليقات
إرسال تعليق