الفرحة ...........بقلم هاجر

الفرحة

جابوا الفرحَة، ولبسوها طرحة
وقالولها افرحي يا تعيسة

أرقصي، وغنِّي
دا الفرح مستني
وماتكونيش في القلوب حبيسة

دا منحوس وحزين
مستني الفرحة من يومين
ما تكونيش معاه عبيسة

والثاني عايش في الحب
بين نارين
اديلوا يا فرحة كلمتين حلوين
ولا تكوني معاه خسيسة

خليكي دايما يا فرحة نايره
على الوجوه الكئيبة والحايره
لا يقولوا عليكِ كبيسة

الناس محتجاكِ فرحيهم
يفرحوا واياكِ ريحيهم
حتى الضحكة منهم
بقت نفيسة

يا فرحة خوذيني لبعيد
زي الفراشة من إيد لإيد
أغير جو وأعيش تجديد
أحب من قلبي وأقول دا عيد

انا مبسوطة ولغيت أحزاني
ومن الفرحة الدنيا مش سيعاني
بفرحتي افرح حبايبي و خلاني
اوصل فرحتي حتى لجيراني

كونوا زيي وخليكم فرحانين
دي الحياة كلها يومين اثنين
انسوا الحزن والآهات
إنسوا الألم والأنين
وعيشوا بالفرحة مبسوطين

بقلم هاجر