كان ضعف مني .........احمدعبدالحق
كان ضعف مني
لما قلت في يوم بحبك
كان غصب عني
حسيتك
وحبيتك
ودخلت قلبك
ودخلت قلبك
كان ضعف مني
لما رسمت جواك الحروف
لما خرجتك من وحدتك
واتحديت بيك الظروف
لما علمتك ازاي تكون
عندك مشاعر
تفرق كتير تحبي حد
اي حد
عن انك تحبي شاعر
كان ضعف مني
لما حسستك بضعفي
وكان شعور سخيف
وانت اقوي مني
كان غصب عني
وكان شعور
مجرد شعور جيت احسه
لقيته حلم
بس مش اي حلم
خير اللهم اجعله خير
حلم ولاعلم
او شيء من التمني
كان ضعف مني
وقمة من الغباء
لما صدقت
ولما عهدت
واتعهدت
واقسمت
وقررت انك حتة مني
مش نهايه
ولا يمكن تكون
كلمة في سرك
يمكن يكون ضعفي بدايه
او هدايه
كان ضعف مني
لما حسيتك وطن
اهل الغرام ناصحوني
بغدر الزمن
واوعاك في يوم تعشق
تمنك مترين كفن
احمدعبدالحق
تعليقات
إرسال تعليق