تحت الصفصافه
تحت الصفصافه علي الترعة
الحلو شاورلي بمنديله
بعيونه السود يرمي بنظره
وفاكرني حدوب من تسبيله
وأنا قلبي ماعدتش خلاص ينفع
في عناد الحب وتأويله
راح يجري بسرعه ياناس يشكي
ويعاتب ويقول ظالمينه
كان لسه فاكرني بدوب ف هواه
في فؤادي غرامه وشايلينه
بيغيب بشهور عنا مايسال
وآخرتها يقول مش فاكرينه
طب ما انت يا حلو اللي فايتنا
واحنا اللي غرامك عارفينه
من كترأساك لينا تعبنا
في كتابنا عزابك كاتبينه
من الصبر تقول شهد واشرب
والمر في كاسك شاربينه
بات حبك كره ومتلحن
في النوته بجرحك عازفينه
اوعاك ياجميل فاكر لسه
دايبين في غرامك عاشقينه
من غيرك مش جنبات نضحك
ودموعنافي كاسك ملايين
تعليقات
إرسال تعليق