*** ابعد حبيبى ***
ديما بتوجع ........ في قلبي ليه
هو اللى بينا ....... كان أسمه إيه
لو كان غرام ........ عاشق هواك
لو مش غرام ....... ده يبقى ايه
القلب عاش ...... وياك حاجات
ضحكاية حلوة ..... وكمان أهات
ورسمت حضنك ... حلم ومصير
وعرفت منك .... معني السكات
عايز تسيب ....... كل اللى راح
خلى الفراق ..... من غير جراح
يبقى الوداع ..... سلام حنون
وكفايه كلمة ..... تهمس سماح
إبعد حبيبي ..... من غير كسوف
جرب حياتك ..... بعيد وشوف
كان بينا عشرة..... وحروف غرام
وأمان بيخلق ...فى القلب خوف
تبعد وتمشي ... ياما مشيوا ناس
أنا حرفي باقي........ هو الاساس
يومين وأنسى ..... ويروح هواك
والذكري تبقي ..... دهب و ماس
أبعد حبيبى ....... بلاش خصام
خلي النهاية ......... من غير ملام
نهاية عادى ........ من غير أذية
من غير ماتكسر ....معنى الغرام
بقلمي الشاعر ناصر عطامحمد
بقلمي...Nasser Atta
تعليقات
إرسال تعليق