انا عارفه... بقلم...نانا على

انا عارفه...
بقلم...نانا على
................
انا عارفه انك عايز تمشىى 
اى ان كانت الاسباب
بس عشان انا ما اتالمشى 
متفاجئنيش بالغياب 
ابعد عنى واحده واحده
بلاش تقفل فاجئه الباب
حتى لو فى حياتك واحده 
خليها تصبر على مااتساب
انت قربت على مراحل
خليتنى انا اتعودت عليك
معايا ليل ونهار لوفاكر
خليتنى مهتمش غير بيك
ولو قررت حقيقى وقادر
انى مكنش تانى انا ليك 
سيبنى اتعود على بعادك
ودى ابسط حقوقى عليك
هتعود بعد كده مقولكش 
لما يجى حد يزعلنى
ولو فرحت انا ماحكيلكش 
عشان تشاركنى فرحى
وهتعود قبل ما انام مسهرش 
صوتك اللى يطمنى
ومزعلش اما تهملنى
و شرط تكون بتخوننى
انت قربت على مراحل
خليتنى انا اتعودت عليك
معايا ليل ونهار لو فاكر
خليتنى مهتمش غير بيك
ولو قررت حقيقى وقادر
انى مكنش تانى انا ليك
سيبنى اتعود على بعادك
ودى ابسط حقوقى عليك
بقلم /
نانا على