قصيدة .../ سيناريو الحب مُخيف
بقلم .../ عاطف بيومى محمد
الناس هتحس انو مظاهر
والعشق اللى جواك مش طاهر
وكأنك انت شبيه ابليس ...
هيشوفوا الحب ده سيناريو
مسؤول واحد بضلوعك دايرو
بغدره وخيانته اصبح سايرو
وبعد المونتاج ملهوش أحاسيس ...
حيقولوا الحب ف حياتو كلمه
عاشق لليله وكاره التانية
وبيعكس النور لطاقة ضلمه
زى ما بيحصل في الكواليس ....
معقول الحب صبح نكته
جوابات مشاعرها اكبر كدبه
ومطالب دايما بالفتنه
زى اللى بيحصل في الكوابيس ....
ده الحب في نظركم ياوحشين
يا بشر معندهاش ذمه ولا دين
استحاله قلوب كل العاشقين
معجونه خيانه بكل المقاييس
يللى شايفين الحب بناره جمره
فالحب خلق كل البني أدمين
صعب ناره تكون فى القلب بارده
لما العشاق يكونوا مفترقين
الحب يعنى صدق ومشاعر
يكون ألاسلوب فيه كما الشاعر
مش بخ كلام سم واعر
واخد فيه مهارة وتأسيس ...
انا قلبى وسط ضلوعي شريف
بيحب بجد ومش تخاريف
ده نبضه بصدق طاهر وعفيف
وتصنف بلقب العشق رئيس ....
تعليقات
إرسال تعليق