كل الأماكن
إللي تخطر عابالك
أنا زرتها
فتشت فيها عليك
لاقتني فيها كلها
لومت نفسي
وبختها وسألتها
ليه تتعجلي وتظلميه
قلبي رد وقالها
حبيبي منامشي الليل
دور عليك فيها كلها
كتب عنوانه
علي كل شجره
سجل ذكري علي جزعها
يمكن بيها يفكرك
لما كنا نتقابل
كانت إديا
بتسبق إيديك
كانت عنيا
بتسرح ف عنيك
كان حضني
بيتمني حضنك يدفيه
كنت بكل جوارحي بشكرك
حبيبي يا رفيق الليل
في سهري وأحلامي
بتخيلك
ظلمتك لما توهت مني
في زحمة ظنوني
بعتذر
يمكن تسامحني
يا أرق وأجمل ملك
ملكت قلبي بحنيتك
ملكت روحي بمحبتك
وغلاوتك عندي
أنا بعشقك
كلماتي
زغلول الطواب
تعليقات
إرسال تعليق