الفراق
مجنون لين احن وأشتاق
ويقطع قلبي الفراق
واسهر بليل السهاد
والدمع عالخد يسيل حراق
ما تعودت على غيبتك
والحزن والله ما ينطاق
والألم سكن الاحساس
وصاب الروح انشقاق
فكرك وين القى هوا مثلك
وانت النفس لو صدري ضاق
صارت العيشة مرة
والحياة بغيابك ما تنذاق
والصبر هد الحيل
والانتظار لعمرنا سراق
متى يحين الوقت
وتحن علي وتردك الاشواق
كل شي بي ذاب
الاحساس والشعور السباق
غريبة يا قلبي
ما يوم عرفت النفاق
وكل العمر القلب
لك بدمه دفاق
ما فكرت يوم اخلف
عهدي معك والميثاق
وين ارحل عن عذابك
وين اروح بعد ما تخلوا
عن الرفاق
كنت الشمس بعمري
اليوم كفت أشراق
غيبت قمري والليل
والنجوم طفت البراق
كنت شريان الحياة
والقلب لك دقاق
شلون اهون عليك
وتنسى وقعت العاشق
اللي بأحلامه لك ينساق
كل ظنه فيك خاب
لا تعاتبه وانت بعينك
شفت دمه قدامك
ينراق .......!
والحياة كلمات
الشاعر جهاد حداد
تحياتي
في ٢٠١٨/١٠/٢٦
تعليقات
إرسال تعليق