زجل شعبي بعنوان خدني حبيبي ............................د . ملك محمود الأصفر

زجل شعبي بعنوان
خدني حبيبي
............................
خدني حبيبي وطير عجناح السفر
متل الشمس والفي وغيوم المطر
ومتل شي نسمة شاردة بهالصيف
تداعب غصون الورد ووراق الشجر
......................
خدني وقت لغروب مع موج البحر
خلي شعاع النور يضحك للفجر
خدني متل عصفور يضحك للهوى
ينقل مابين ورود وغصون الزهر
.......................
خدني لأبعد شط وما يعرف حدا
متل الحبق والفل وحبات الندى
متل حقول القمح نهمس بأحلى همس
نركض بنور الشمس عجناح المدى
...............................................
د . ملك محمود الأصفر