بقي كل هتافنا نصوص وروائع......ياسر مهدي عمرو
بقي كل هتافنا نصوص وروائع
والقدس مليان لصوص وجوامع
يعني مافيش فيكم ولا واحد نافع
ويكون لشهامته سلاح ويكون مانع
بقي يعني خلاص مكتوب بالعبري
اطنش واقول للظلم انا مش سامع
ودم الشهيد له كان صبري
رويت به ارض وبه زارع
وكائن زرعي ماله فايده
لا حصدت منه ولا عايده
وحتي ايدي المكتوفه
وناس كتيره هناك لايده
بقي يعني مافيش ولا عربي
شجاع يكون واقف جنبي
بقي يعني مافيش ليكم احساس
او يجي يقول انا ايه زنبي
مكتوب عليا احب الناس
مكتوب عليا اكون منداس
مكتوب عليا اكون نصرك
ولا العرب هيكونوا مداس
بقي مافيش خالص دم
مات الخال ومعاه العم
راحت منكوا خلاص النخوه
مات العرب واهو جاكوا الغم
سلمتوا خلاص لترمب
علي روح شهدائنا بجزمته دب
ورفع علم نصره
ولدينكوا كمان هيسب
خلي عليكوا شوية ملاعين
بضرب الجزم من فوق العين
وانتوا بتجروا بخوفكم منهم
كيف الغنم او النساوين
بقي يعني مافيش واحد راجل
ورجولته. بتحرق فيه
دا حريمكوا ان كات تتمايل
مايرضيها القدس وال بيجري فيه
مافيش فيكم واحد محموق
وسلاحه في ضلعه يكون مزنوق
ولا عاجبكم حالة القدس
في حبال الغدر يكون مشنوق
بقي كل هتافنا نصوص وروائع
ياسر مهدي عمرو
تعليقات
إرسال تعليق