طار إل طار م الشبابيك.....**** **** **** **** ( علي فراج )
طار إل طار م الشبابيك
والأوضه غرقانه بميه
الجن م قال شبيك لبيك
وأنا إل واقف وحديه
طب إيه يفيد
وأنا وحدى غريب
أمد إيد وأنا خجلي عنيد
وكبريائي بألف حبيب
كل السكك رايحه وجايه
********
وقفت أنادي من الشباك
علي العيون العاشقه هناك
إتمسكنوا وشاوروا عليه
أنا إل كنت في آسر هواك
عيشت الحياه أتمني رضاك
قتلتني من غير ديه
طار إل طار مالشبابيك
والأوضه غرقانه بميه
**********
هو الإنسان ملهوش عنوان
غير عفريته ......
ولا الغرقان لو سكنه الجان
يصبح بيته ........
وأنا سكني عيونك إن جيت
وإن حبيت أكونلك جان
تبقي ياقوته والمرجان
سنده وذاته .......
لو مديته بالحنيه
طار إل طار مالشبابيك
والأوضه غرقانه بميه
الجن م قال شبيك لبيك
وأنا إل واقف وحديه
**** **** **** ****
( علي فراج )
تعليقات
إرسال تعليق