قصيدة / إوعي تحني بقلمي / هدى سيد 2017/12/6

قصيدة / إوعي تحني

بقلمي / هدى سيد

2017/12/6

هو ده اللي حلفتي بيه

قلتي عمري ما أهون عليه

هو ده اللي قلتي نعمة

هو ده اللي قعدتي دايما

تدي من حبك وعمرك

تغفري له أي غلطة

تقعي لاجله ف الف ورطة

ينجرح تنزل دموعك

قيدتي ياما ليه شموعك

كان يحس بغربة وانتي 

تحتويه ما بين ضلوعك

واقفة جنبه خطوة خطوة

يبني نفسه وتنسي نفسك

شايله همه وناسيه همك

يرمي كل مشاكله عندك

أما فرحه ليه لوحده

ياما قلتي عليه ملاك

مستحيل يستغنى عنك

او يرووح يبعد هنااااك

جه في نص السكة سابك

باع حياتك بالرخيييص

بكرة يندم انه باعك

أصل ده طبع الخسيس

بكرة يتحايل عليكي

لو يطول هايبوس إيديكي

بس ترضي ترجعيه

اوعي تاني تحني ليه

اللي باعك يوم وقوعك

إوعي تاني تشتريه

إوعي تاني تشتريه