فداك يا أقصى *** بقلم السيدابوطاحون *********
فداك يا أقصى *** بقلم السيدابوطاحون
*********
1-لما الوطن اتسرق
قام الشهيد يحميه
اتجمع اللي عشق
والعشق مد ايديه
قلب الصبيه اتحرق
يا أقصى مين يراضيه ؟ !
يا جنود جهاد الورق
شاريين سلاحكم ليه ؟ !
الأقصى نفسه اتسرق
لحد امتى التيه ؟ !
**************
2- يا سايب الاقصي
خايف و م الخضه
لا نام ولا اتوضى
ها تقول لربك ايه ؟!
طول عمرنا شهدا
ورق الشجر ابننا
كل الهوا ملكنا
والشمس لما تخاف
تدفى في حضننا
والنيل في عز البرد
يتوضى في بحرنا
وقمرنا لو مرضان
علاجه في شهدنا
لا نخاف من الضلمة
ولا فرقة الظلمه
ولا حتى م البعدا
طول عمرنا شهدا
بنخاف صحيح لكن
من ربنا وحده
************
تخاف الفكره
ف نخبيها جوانا
وهجر الفجر يرعبنا
يتوه فى الضلمه...
ينسانا
يمد الليل و يطول
جبال الجهل
تتجول وتتغول
يشد الشعر و يعدد
وزدنا يا سيدنا م الاول
وأنا ابنك
انا ابنك
بتسكر غنوتي ف فمك
تدور الكلمه ع الالحان
تلاقى الورد قام ضمك
انا العاشق انا الولهان
يعذب قلبي ما همك
شهيد واقف على بابك
عشان الفجر والبسمه
**************
تعليقات
إرسال تعليق