مش منهم....ياسر مهدي عمرو
مش منهم
مش منهم ابدا
انا منك
وبحب اشوفك
رغم انك
بتغيبي عليا وعيوني
برغم بعادك فاكرينك
مش منهم ابدا
انا ليكي
في غيابك انا برده حاميكي
اسالي عني الناس ف الدنيا
هيقولوا انا وحدي شاريكي
مش بابعد عنك
انا جنبك
انا وحدي ف الدنيا بحبك
انا نبضي باسمك بيغني
وانا برده ف الدنيا اهمك
مش منهم ابدا
انا عارفك
انا وحدي ف الدنيا دي فاهمك
بتلومي عليا في غيابك
رغم ان انا حبي ف ضلك
مش واحد منهم ولا غيرهم
ولا واحد كما كل الناس
انا واحد بينهم باحكيلهم
انا وحدي باحب باحساس
انا يمكن مره بغنلهم
بالقلب اللي ف حبه انداس
مش منهم ابدا يا امالي
يا فرحي ويا كل ماجالي
باسهرلك انا وحدي اليالي
ونجومك ف السما بتلالي
مش منهم ابدا يا حياتي
ولايمكن اكون ابدا منهم
انا بس بقولك مولاتي
وبحبي اليكي باشغلهم
انا وحدي باحبك في حالاتي
ودا ودا حده كافي يقتلهم
مش ممكن انا اعرف غيرك
ولاغيري هيكون يوم طيرك
مش ممكن ابدا يا حلالي
يا عروستي ويا كل امالي
ياسر مهدي عمرو
تعليقات
إرسال تعليق