ياشعب بكاي **************** ( علي فراج )
ياشعب بكاي
ومدمن شاي
تضحك بهستيريا
من غير سبب وازاي
تنجح بلا مذاكرة
فهلوي ورغاي
فاهم في الأغاني
خبير عسكري وسياسي
وإن سألتك عن ظروفك
تعمل فيها نساي
يتعلم البجم .يطلع صنم
غثاء السيل .قطيع غنم
نطاع وضاع. جهل وغشم
حلمه اللطيف. ياكل رغيف
حجر وكيف. وموال ناي
ياشعب حكاويه مبتنتهيش
ياشعب تاريخه كداب خسيس
شخابيط ورق مع ربع حشيش
من غير قلق والفكر مفيش
هو الضلال محتاجله ياميش
ولا البكاش محتاج نداي
سف ولف عالندوات
حف وخف عالبهوات
إطبع شف فالروايات
ما في عقل بيعرف
ولا في بطن بتنضف
ولا حد بيسعف والموت جاي
يا شعب بكاي ومدمن شاي ....
****************
( علي فراج )
تعليقات
إرسال تعليق