حكاية غريبة أوى حكاية الإنسان......مرقص اقلاديوس
حكاية غريبة أوى حكاية الإنسان.
لا عاجبه الزمان.
و لا عاجبه المكان.
و الأعجب إنه مش بيفكر فى إللى هيكون.
و طبعا مش عاجبه إللى كان.
عاش سنين و سنين
يحاول يفهم الدنيا
و عمره ما فهمها.
و إللى يجن
إنه مصصر برضو يفهمها.
و الأيام ياما غلبته
و عمره ما قدر يغلبها.
و يعيش فى نقار مع الخلق.
و بعدين يسيب كل إللى جمعه.
للى بعده
إللى أساسا ما يعرفش
أى حاجة عنه.
لكن عمره ما يئس منها.
بس الحقيقة
الحاجة الوحيدة
إللى نجح فيها.
إنه عرف ربنا و حبه
لأنه وحده إللى بدعها
و وحده إللى ممشيها.
إوعى فى يوم تشك
إنه وحده..وحده
إللى متحكم فيها.
عجوز غاوى شعر
مرقص اقلاديوس
تعليقات
إرسال تعليق