مافيش فى جمالك يامصر ~~~~~~~~~~~~~~~مع تحياتى/راويه حسن ~~~~~~~~~~~~
مافيش فى جمالك يامصر
~~~~~~~~~~~~~~~
انا اللى طول.........عمرى منك
ماليش تانى............. بلد زيك
وحتى لونى............. من لونك
ان كان خمرى ..........ولاقمحى
بتشيلى يابلدى............ ملامحى
ولو سالونى عن...... . اسمك
مهما اوصف مش حجيب رسمك
انتى اللى مافيش فى الكون زيك
وبالدهب مكتوب .......اسمك
واللى بناكى ده اصله ده كان
من الابطال من .... الشجعان
وكان ماسك....... ريشة فنان
عشان يوصف ويرسم فيكى
ومهما قالوا............ ووصفوكى
وعمرهم ..............ماعرفوكى
ولاشافو زرعك........ ولاشجرك
وسهروا يوم ..........ويا قمرك
ولاشربوا مره من............ نيلك
ولاحنوا ايديهم من .....طميك
عروسه وزاينه ........اخواتك
ده جمالك ابدا مافيش ..زيو
فى بلاد الدنيا مافيش.... منه
ياسلام على طيبة.......... اهلك
طيبه وشهامه .........وبطوله
وشجاعه دايما مش معقوله
رجاله وبروحهم.......... يفدوكى
ومن اعمارهم ..........يدوكى
ويعمروا دايما ............فيكى
ويزرعوا دايما .......صحاريكى
ده نيلك نهر............ من الجنه
كل اللى شرب منه......... اتهنى
عمره ابدا................... مايسيبك
ولا يغيب ابدا ...........عن نيلك
ويحب يسمع ............مواويلك
شمسك دهب وكمان......... قمرك
ولما تنادى نقول............... امرك
انتى الدفا وانتى.......... الضله
شمسك دهب قمرك.... .. فضه
من نوره النجوم ........تتوضى
يامصر انتى ياست......... .. الكل
لازرع صحاريكى ورد ........وفل
والخير يابلدى يعم............... الكل
مهما اوصف ولا حقول...... اوصاف
ده حسنك يامصر كامل... الاوصاف
ولا حد فى الكون ده عرف ولاشاف
فى حسنك يابلدى............... وجمالك
ده مافيش فى الدنيا دى....... مثالك
انا حوصف ايه ولا .......حاقول ايه
ابنك دايما انتى غاليه ..........عليه
ومهما قلت.................... ماحوفيكى
وغنيت كل الغنى....... .........فيكى
كلامى مش عايز .............يخلص
ولا عمر كلامى عنك............ يخلص
ده انا بس بقول .............وبلخص
عشان اللى عندى ليكى.......... كتير
لو فضلت اقول حقول .........كتير
لااقلام ولا ورق ............حيقضوا
ومهما الكل حواليكى......... انفضوا
ربنا هو اللى.......... .........حاميكى
ولاحد يقدر ..................عليكى
لانك انتى فى حفظ...... . الرحمن
مذكوره يامصر فى.... .........القرآن
مع تحياتى/راويه حسن
~~~~~~~~~~~~
تعليقات
إرسال تعليق