ليه تعاملنى المعامله ديه... بقلم الشاعرة/راوية حسن

ليه تعاملنى المعامله ديه...
بقلم الشاعرة/راوية حسن
~~~~~~~~~~~~~
ليه تعاملنى المعامله ديه
ليه انت دايما ناسينى
مع انى بشيلك بعنيه
وتغيب عنى وماتفكر تجينى
ودايما بهون عليك
وعمرك ماهنت عليه
فين راح الحب فين
ومن قلب ضاعت الحنيه
ليه انا رخيص عليك
مع انك غالى عليه
بتفكر كتير فى نفسك
وعمرك مافكرت فيه
ولا قلت انى حبيبك
وانت غالى عليه
وعمرى مااضحى بيك
مع انك ضحيت بيه
اقلك الله يسامحك
ع اللى انت عملته فيه
لوكان ده يرضيك
خلاص انانفسى راضيه
وروح الله يسامحك
والم الباقى منى
واقول لنفسى انسى
بلاش منها الاسيه
مع تحياتى/راوية حسن