وطن مغتصب... بقلم الشاعرة : نجوى قاسم سالم
وطن مغتصب...
بقلم الشاعرة : نجوى قاسم سالم
.................
سبع عقود من الزمن اغتصبوا الارض
شردوا الأهل
ووالوجع لليوم ما خلص
الجرح كبيررررر لانه الوطن
كان الثمن وهالجرح عّم يكبر وبيكبر
وكل ما كبروا اولادنا وعن ارضهم سألونا -
المسؤولية حمّلونا
كيف بِنترك أرضنا ؟
وبِنسمح للأغراب يغتصبوها ؟
عيونهم تسأل وقلوبهم بالقهر تصرخ
ومعها بتموت أروحنا
إلّي ما عم تقدر تدافع عن حالها
وبتآمر العالم علينا تقنعهم
واليوم ميلاد جديد لاغتصاب الارض
عّم بِضوِّي نوره من جديد وبإسم جديد
إجوا لَعِنّا ليقنعونا وع الباقي
من الارض يساومونا
وان ما رضينا بخاطرنا بيوجعونا
من جديد لنرضى
صفقة القرن سموه
وإحنا بندفع ثمن هالصفقة
ويهود بلادنا بيحصدوا الربحا
شو هالصفقة إلّي ناس بتدفع ثمنها
من روحها وناس وهي مرتاحة بيجي الربح لعندا
هيك صفقة بتجسد قانون القوي والضعيف ولاّ شو
خبرونا وبلاش تضيعونا !!!!!!
مع صفقة هالعصر الحق راح يضيّع طريقة
والمغتصب بِصير صاحب حق
وصاحب الحق بِصير هوي الجاني
معقول هيك صارت الدنيا ؟ !!!!
واحنا اصحاب الحق
وعن حقنا بأرضنا ووطنا راح ندافع
ومش مهم شو راح ندفع من ثمن
المهم الحق يرجع
لاننا صرنا بدنيا ما حدا بيهمه غير حدا ……
بقلم : نجوى قاسم سالم
تعليقات
إرسال تعليق