عبير حياتي طفح... بقلم...ياسر مهدي عمرو
عبير حياتي طفح...
بقلم...ياسر مهدي عمرو
..............
بقولك ايه بقي يا ام عبير
خلي عبير تراعيني شويه
لاحسن والله اسيبها واطير
وابص لكل الناس حواليه
خفي عليه يا ام عبير
عماله تأسي في بنتك اكتر
باديكي تناولي لها مسامير
وهي عليه بتيجي تتشطر
بنتك انتي اكيد عرفاها
كل يومين عماله تتجنن
تيجني الناس وكمان سمعاها
تقولي ابعد يلا يحنن
وبقيت انا جرسه يا ام عبير
وسط الناس قدام الحاره
كلها يوم وتجيبلي غفير
واركب بالمقلوب ع حماره
ويزفوني عيال الشارع
مربوط وفي رجليا شكاره
من كام يوم كدا ياام عبير
قالت هانزل اجيب م السوق
راجعه ف ايدها قله وزير
وامين شرطه يقول مسروق
تعرفي بعد يومين ف الحبس
خرجت وفكيت كل الجبس
واقوله تيجي ف يوم وتزورني
تقول ياحبيبي عملت العدس
قولي لبنتك يا ام عبير
ابدا والله ما هتكون عيشه
هي تنام من فوقها حرير
وانا متغطي بام الخيشه
هو عشان ماهي يعني جميله
اتعب انا ومنامش الليل
لا لو كد بلا حب ونيله
وارجع اغني كلام مواويل
طب قولي لبنتك معناته ايه
ارجع متعشاش ف الليل
كل الناس بيقولي دا ليه
وهي كمان عيزاله بديل
قولي لبنتك اني حاببها
وخايف يوم اخسرها كمان
بس يومين ف الشهر هسيبها
وعشرين يوم بيكون جنان
تعبت معاها ياام عبير
تعبت فكري من التفكير
عقلي هياخد مني اجازه
عشان يتحمل دي مشاوير
ياسر مهدي عمرو
تعليقات
إرسال تعليق