مكنتش يوم أصدق... بقلم الشاعر...طه الروبى
مكنتش يوم أصدق...
بقلم الشاعر...طه الروبى
...............
مكنتش يوم أصدق.
إن الغرام يهون
والعشاق من بعض
تزهق
والود عليهم يهون
طب قلبى ذنبه إيه
تتعب وتجرح فيه
وتخيب ليه فيك الظنون
مكنتش يوم أصدق
ولا كان يخطر فى بالى
تبيع الود بالرخيص
وتنسى سهر الليالى
وجو الفرح يقلب
أحزان وشجون
مكنتش يوم أصدق
إن الوعود تكون
كلام بس وخلاص
والود يروح بلاش
وكأنه شيئ لم يكون
مكنتش يوم أصدق
رغم إنى كنت بسمع
عن ناس فى ناس بتخدع
وحكايات تبكى العيون
لكن فعلك معايا
خلانى أقيس الحكاية
على شيئ أكيد موزون
من إبداعات
الشاعر
طه الروبى
تعليقات
إرسال تعليق