زجل (أكل العيش) ------ حربي علي شاعرالسويس
زجل
(أكل العيش)
أكل (العيش) خلانا (بهايم)
و(الجوع)خلاهم بني آدمين
( إتسعرنا ) ومن كتر العزايم
خايفين ناكلك يا (فلسطين)
إشتغلنا (كتير) إشترينا إيه؟
إشترينا ( ذل ) وبعنا كرامة
خلفنا ( ولد ) زرعنا فيه :
حب (البطن) وكره (شهامة)
قاعدين
(لمة) حوالين الطبلية
بنشوف
ف التليفزيون سهرة بالليل
بنمصمص
فى (عضم) فلسطينية
( إغتصبها )
عساكرك ياإسرائيل
ونقوم
م السهرة مش عارفين
(القدس)
حياتنا . ولا النيل؟
ونام
وكأني ( خلااااص ) بنموت
ونشوف
ف (الموت) راحة من الهم
لا
( ضمير ) سامعين له صوت
ولا
أكلة ( ملطخة ) بالدم
حربي علي
شاعرالسويس
تعليقات
إرسال تعليق