المَال الحَلاَل ...كلمات الشاعر... أحمد شاهين
المَال الحَلاَل
كلمات الشاعر أحمد شاهين
ـــــــــــــــــــــــــــــــــــــــــــ
المَوَّال:-
ــــــــــ
يَا اللي انْتَ شَاغْلَك الغِنَى
وِمَاشِي في الدُّنْيَا بِتِنْهَب
أُوعَاك تِفَكَّر الغِنَى هِنَا
دَه انْتَ لِلآخْرَه بِتِخْرِب
يَامَا نَاس وِعَاشِت في الحَرَام
وِكَانُوا فَاكْرِينُه هَنَا
رَاحُوا لِلسُّكُوت مِن غِير كَلاَم
ضَاقُوا في القُبُور المَسْكَنَه
ـــــــــــــــــــــــــــــــــــــــــــ
المَال الحَلاَل مَايْضِعْش
دَه المَال الحَلاَل
وِجْنِيهَك الحَرَام لَو قِرْش
مَاهَيْخَلِّي الحَلاَل
وِلَو ضَاقِت مَاتِتْأَثَّرْش
وِلَو الحُمُول دِي جِبَال
رَبَّك مَا بِيْأَخَّرْش
فَرَجُه أكِيد في الحَال
رِزْقَك مَعَاه مَضْمُون
رَبَّك كَرِيم مُتَعَال
هُوَّا اللي خَلَق الكُون
الرِّزْق مُش بِالمَال
اِرْضَى بْقَلِيلَك عِيش
إيه فَايْدِة الأَمْوَال
دَه لَو بِدُقَّه وعِيش
هَتْلاَقِي رَاحْةِ البَال
المَال الحَلاَل مَايْضِعْش
دَه المَال الحَلاَل
وِجْنِيهَك الحَرَام لَو قِرْش
مَاهَيْخَلِّي الحَلاَل
ــــــــــــــــــــــــــــــــــــــــــ
كلمات الشاعر أحمد شاهين
----- مصر - أسيوط -----
تعليقات
إرسال تعليق