(( * نادره * ))) بقلم...فيصل بدر

(( * نادره * )))
بقلم...فيصل بدر
**********
أنا خايف من طول المشوار
كل كاسات الغربه يا نادره
مرار فى مرار
مشتاق أشرب وياك الشاى
على مصطبة الدار
وارمى فى حجرك يا امه همومى
وافتح كنز الأسرار
*******
خايف يا امه الغربه تاخدنى
وانسى وما ارجعش
وتغيب عنك يا امه الأخبار
استنى يا نادره رجوعى
انا هرجع لو زاد جوعى
لو زاد الصمت فى قلبى
وان غطت أحلامى دموعى
****
انا راجع يا امه
راجع رغم الحزن الساكن فى القلب
راجع رغم القهر
ورغم سكوتى
استنى اما ارجع يامه
إوعى تموتى
*******
شاعر القريه
فيصل بدر