* محمد الأشقر ***المسحراتي فين الليلة ؟
المسحراتي •• ثامن ليالي رمضان 23/5/2018
مسحراتي مسهراتي
منا جاي ليلاتي أحكي حكاياتي
للي زغيير أو زي حلاااتي
وحاوي ياوحاوي
كلامي عامي ..ماهوش نحوي
اصحى يانايم
اصحى يانايم
اصحى وافتح كتاب ربك
تلقاه وصى عليها عندك
وصى عليها ليوم الدين
ادخلوها انشاء الله آمنين
اصحى وصحصح وفوووق ياخينا
اصحى وصلي على التهامي
احمد نبينا وصى علينا
وقال ام العرب ياهاجر
ومارية ام ابراهم منينا
احنا اخوال العرب وإحنا ٠٠
اللي ناسبنا طه نبينا
وموسى كلم ربه بطور سينا
والمسيح وامه هربوا وجونا
يانيل بيسري من زمن فيا
يابلد الأزهر والعلما يابهية
بلد الفراعنة والاهرامات ديا
عاشق ترابك ومن غير ماتديني
منتي اللي لو تئن القدس٠٠ تناديني
منا إبنك ٠٠ وهوايا يما فلسطيني
اصحى يانايم ٠٠ تعا لمتنا
اصحى ياغفلان لحكايتنا
وبكره معادنا لو اتواعدنا
منا جاي ليلااااتي ٠٠ ححكي حكاياتي
لكل صغير ٠٠ او زي حلااااتي
اصحى ينااايم اصحى
رمضاااااااان گريم
*
* محمد الأشقر
***المسحراتي فين الليلة ؟
تعليقات
إرسال تعليق