**** دقة زار ****بقلم / مصطفي كرم

**** دقة زار ****

أنا كنت زهرة مفتحة في قلب الدار

عايشة حياتي بحلم اكمل المشوار

ابقي عروسة جميلة وألفت الأنظار

مرت سنين العمر تجري فات القطار

يدق الفرح بابي ويرحل بلا أعذار

ويوم ورا يوم استلمتني الافكار

وبقيت غصب عني شريدة ليل ونهار

الوردة ماتت اغصانها ودبلت الازهار

كل الاطبا اتجمعوا وقالوا دى أعمار

والاحبة قالوا دا حسد من الاشرار

دواك يا بنتي هتلاقيه ويا الست انهار

وبسرعة لقيت نفسي وسط كودية زار

هات لنا يا حاج بخور من العطار 

وديك ابيض مغربي اخضر المنقار

وتوب حرير سندسي خمس امتار

ودقت طبول الدف تعلن بدايه المشوار

خطى سبع مرات فوق وصفة العطار

ولفي وفقرى ترضي المارد الجبار

واصرخي بعزم صوتك واجهي الانهيار

معرفش اني بايديا فضلت الانتحار

واخترت غصب عني اسوء اختيار

ملعون من شار عليا أني اعمل زار

بقلم / مصطفي كرم

****Mostafaa Karm ****