ياعطر اللي ع حروفي .........ترياق محمد
ياعطر اللي ع حروفي
بللت الندى
ياكلمة حب واقفة بالحلق
متل غصة ودمعة
مابتعرف الكذب
كتبتك متل كلمة
على رمل البحر
محيتها بلمسة من إيدك
ومابقي ألها أثر
أنا متل طفلة بكلمة تدبحني
مو قادر بكلمة حلوة تتدللني
ياضيعان كل هالعمر اللي ضاع
قلبي يقللي تصبري
تعبت فيك يادني
متل القمر والشمس
مابيلتقوا لو مرة صدفة
أنا غرقان بعشقك
وأنت مسحور بنجمة
النار كيف يخمدها
وهج الشوق واللهفة
تستعر وتزيد الخراب
تترك بها الروح جرح
كان الأمل رحلة
طلعت وهم وسراب
اغزلني متل حكاية
اكتبني متل رواية
ضاع منها العنوان
يازمن ارحم شبابي
حبيتوا وأنا طفلة
ابن جيراني رسملي ضحكة
فهمتها رسالة محبة
طلعت متل البوسة
اللي بتطبعها على خدي ستي
أفكاري راحت بعيد
وبعدني عالحب صغيرة
وقفت عالمراية
ولبست كعب عالي
علواه أكبر كم سنة
وأنسى أيام الولدنة
بلكي ينتبه عالحمرة
اللي عالشفة
ويحملني متل وردة
تعبت من شنتة مدرستي
حاملتها ساعات على كتفي
أنا كبرت ياناس
خدوا المحاية والدفتر
تركوني عيش العمر
وحاجة تقولوا عني طفلة
بيكفي والله بيكفي
ترياق محمد
تعليقات
إرسال تعليق