شيلى الغمامة ========بقلم |مها ندا.

شيلى الغمامة
========
بلدى يا شابة حلوة ولسه خضرا منورة
شيلى الغمامة من على عيونك فتحى
والكتاب اللى أنكتب من عصر فات
قومى أقرأيه ومنه أتعلمى وأتنورى
هو كتاب مش أنكتب عشان يتقفل
ولا يكون على الرفوف محفوظ ويتركن
ده يندرس ويتفهم ويتحفظ
وعيونك الللى مقفولة ومتغممة
ربك خلقها عشان تشوف وتكتشف
تعرف اللى أمامها
واللى وراها واللى أتعمل وبيتعمل
ورب الكون خلق الحواس متعددة
عشان لكل منها وظيفة وفائدة
لو عاوزة بجد تكتبى صفحة تاريخ صح وناصعة
ميكنش سمعك مصدرك من أفواه فاسدة مضللة
بتسحبك وتسيرك حسب ما تحب وتشتهى
عشان مصلحتها أنك متفتحيش وتفهمى
وتفضلى باقية فى ايد اللى خاطفينك من زمن
وأنتى وراهم بتكتبى سطور كاذبة مضللة
ما انتى يا حلوة عيونك مغمضة متربطة
شيلى الغمامة وفتحى
وحطى ايدك فى ايد الشباب اليانعة
اللى ليها عقول مفكرة متطورة
مش حاملة سلاح ما تعرف غير الرصاصة القاتلة
وأكتبى سطور تاريخ متعدلة مترتبة
وطلعى منها اجمل تاريخ لدولة متطورة متقدمة.

بقلم |مها ندا.