ليل موعود ........................بقلم .. صبري رسلان

ليل موعود

........................

ببعت لك سلامي ترده

وأفتح باب غرامي تسده

والشوق لما جاك بتصده

بقى بينا ضباااااب ..

ده القلب اللي كان بتوده

بتبكي في عيونه ترده

لا بتفتح له بااااب ..

جواك فيه كلام متغير

والنظره في عينيك بتحير

ده الليل كان معاك ليه قصير

وإتغير حلاااااااااه ..

لا فرحه فى هواك بتدوم

وعيوني وخاصمها النوم

تتهنى وأبات محروم

ضاع طعم الحياه ..

فايت لي الدموع على خدي

والشوق اللي كان لون وردي

محبوس فى الألاااااام

لا هقدر أعيش من غيرك

وسمايا بتنده طيرك

وفى حضنك

بنام وأشكيلك

وبرجع لك قواااام

هتحمل عشان روح ليلك

وبغير من نسيم يرويك

من عطري كماااان ..

هفرش لك كفوفي ورود

وأحني في رموشي السود

جوايا فى ليل موعود

لحبيبي و هنااااااه ..

هلملم في حزني نسيته

وأغزل لك في شوق دفيته

ده ساكن في قلبي قنيته

وملكني كماااااان ..

عشقاك من زماااان

بقلم .. صبري رسلان