حبيتك حب مالوش حدود
وعرفت معاك اصل الوجود
وعلشان عمرك ماخنت قلبي الودود
دايما في قلبي لك وجود
حبك عاش دايما جوايا
ملا دنيتي امل وهنايا
عمري ماخفت من ايامي
علشان دايما كنت معايا
كنت اتمني نكمل سوا المشوار
كنت بشوف وياك الليل والظلمة نهار
بس القسمة وقفت كده. والدنيا دايما علي ده وده
بس اكيد كمان ربنا له حكمة ف كدا
ومدام وصلنا لحكمته يبقي اكيد كلنا مؤمنين
ان رحمته دايما بتسبق حكمته
ومدام هو بينا رحيم وبالجوانا هو بيه عليم
فادانا الصبر الجميل
الصبر ال احنا بيه لحد النهاردة مكملين
ومتجمعين مع بعضنا
بس هو حبيب قلبي مش في وسطنا
بس اكيد روحه شيفانا وسمعانا وحاسة بنا
وعلشان كده بقول لروحه ماتزعليش
واوعي مني تغضبي
علشان جيت في يوم وقلت كفاية انا عاوزة اعيش
عايزة اهرب برة حزني برة همي برة يآسي
وابعدك بكل قوة عن ذكرياتي
علشان اعيش انا بقيه حياتي
لاكن في كل مرة كنت عاوزة ابعدك فيها بكل قوة عن ذكرياتي
علشان اعيش انا بقية حياتي
وابعدك بقي غصب عني
في كل مرة كنت ارجع وآلاقيك انت ال برده ساكن جوه مني
علشان كده بقولك سامحني
تعليقات
إرسال تعليق