رغيف عيش **********كلمات بسيوني صديق
رغيف عيش
**********
رغيف عيش
يكفيني
اكله وانا خايف
لا يكون اخويا جعان
وازاي ينزل في بطني
وانا لا داري
ولا شايف
وعايش حياتي
سلطان
واخويا بيتألم
ياويلي ياويلي
ودايس بسنانه
علي الشفايف
وجوعه خلاه
مش شايف
وطول الليل سهران
رغيف عيش
قسمته ترضيني
وبفضل الله
يزيد ويشبع
وعمر البركه
ما تودي للنقصان
ليه انا اعيش
وادفي واتلحف
واخويا بايت بردان
ده القلب ع القلب رحمه
مش كفايه غدر الزمان
واحنا في وسط الزحمه
الملهي ملهي
والباقي في التوهان
واللي بيجري
وري حته لحمه
واللي من الجوع
بقي هزلان
واللي بيسرق
والسرقه بقيت مهنة
واللي بيمد ايده
واللي عطشان
واللي بيحلل العيب
واللي علي كيفه الحرام
وكل ده من ظلم الاخ لاخوه
والذل والحرمان
يارب ده اخويا
لازم اكون له غطا
وبرمش عيني اغطيه
وبايدي اخده في حضني
يارب رحمتك واسعه
ارحمنا ياحنان
*****************************
كلمات بسيوني صديق
تعليقات
إرسال تعليق