الصمت مفتاح الألم......-------------------أيمن سراج الدين
الصمت
مفتاح الألم
والجمر في المنقد
رماد الشقيانين
فارش حصير الإ نتظار والمَكلَمَه
وف قُومي يحضني الفضا
أتلمّس الناس اللي فيَّ بتحتضر وأهزّها .. وتهزّني
الحلم يسقط من صوابعي
ع المواجع
و ياخد ني مشوارالسكات
مِتشاله فوق كتفي الضعيف الأسئله
ولإني عارف
إن لسه إيزيس على جسر الأمل
بتلمني فيَّ
وان لسه الكرسي
في البيت القديم
عمَّال بيتمرجح بقهقهة اللئيم
ولإني عارف
إن بر ضه ع الأسفلت
لسه مرفوعه المشا نق
والمحارق
و لإني باصص
جوه في صدر الخلايق
ولإني ترجمت حتى إحسا س الشجر
ولإني بحلم كل يوم
أفرد جناحاتي وأقوم
ولإني جوايا / برايا
مهما تقلت الهدوم
وجّهولي إتهام
( إني شايف )
ولإني عارف إن كل الكل عارف
ببقى خايف لا ابقى خايف
وابقى خايف لا ابقى عارف
محتا ج تر ا ب الموت يعو د
الموت وجود
الموت
السكه اللي بيني
و بين طلوعي السما
محتاج تراب الموت يعود
المو ت وجو د
لساكي واقفه ع الضلوع
وإ يد يكي بتلف الرحايه
النفس عمّال يضيق
والأسئله بتموت بطئ
والخطوه فقدت صبرها
كان نفسها .. لكنها
مشيت على سكك العطب مسلو خه م الحلم الكبير
ياه لو أطير
و ا نفلت م الأرض للصوت البعيد
وأحط فوق تكو ين جديد
وأحط أول مسأله
جمعت مابين المرتفع والمنخفض والمنحنى والمستدير
ياااه .. لو أطير
ولإنه دايمآ كون بخيل
صَدِّدت مفاتيح الرحيل
ولمحت نَفسِي ع المفارق
وحدي
بغزل حلمي
من كل الليالي المؤ لمه
كائن كذوب
زي كل الأوسمه
زي أول سلمه
حاولت تاني اني آطير
بصيت من حلمي
ع الوطن الكبير
وف سكوت
رفرفت تحت الجلد
ودخلت بين أربع حيطان
دخلتني رعشة استجابه
للحلم الكبير
كانت هاميس وقتها
بتبصلي
وبتبتسم
وترش فوق سطح البيوت
................. ( يومنا الجديد )
---
--------------------أيمن سراج الدين
Alshahir Almasree
تعليقات
إرسال تعليق