هدوء =====احمد طلبه
هدوء
=====
ساكت قصاد الناس. مهما اتكلمو
ولا بتسيء لحد ولا بتغتاب
شايل في قلبك مهما بيعملو
من أمتي رد أصيل علي دي كلاب
طبعك وافي بس الوافي شيال
ولا عمره ساء أو سب
لو حتي يجرحوه احباب
هادي في ملامحك والهدوء بركان
جواك بيغلي بس ماتباين
عمر الأصيل ماهتغلبو أحزان
ولا تبقي قاسي في مره يا حنين
واللي رماك ع المر
عايز يكون شمتان
في همومك انت يبان
دا لا عمره فيك يقوي
ولا عمره كان غلبان
والصبر فرجه قريب
والليل اكيد رايح
ياللي ابتلوك بالعيب
أوعاك تكون جارح
واللي يبات مغلوب
بكره أكيد غالب
واوعي بقي تعاتب
أحسن كدا وارتاح
مين اللي ليك صاحب
وتلاقي منه جراح
مهما معاك حارب
لا بيهدا لا بيرتاح
واللي معاك يحلف
اعرف أكيد كداب
ومعاك اكيد يخلف
وحقيقته تبقي سراب
بس بلاش الرد علي ناس مايستهلوش
من امتي بس يرد
أصيل علي دي كلاب
=================
احمد طلبه
تعليقات
إرسال تعليق