فوق يا ظالم... بقلم...محمد الصيرفى

فوق يا ظالم...
بقلم...محمد الصيرفى
.............
يا ابن الحلال اياك
تنسى رب الكون مولاك
دا الظلم اخره هلاك
لو حر افعل ما بيداك
اوطيع من للحق هداك
يا ظالم ايه اللى دهاك
ارحم ربنا يهديك
دا المظلوم لو دعا عليك
لا منصب ولا مال يفديك
ولو كل الحاشيه حوليك
وربنا فى النار يشويك
ومن ظلمك ربنا يسقيك
فى اقرب الاقربين اليك
طب قول ايه يحميك
لو امر الله اتاك
وملك الموت نداك
واعز الناس دفنوك
وجم الملائكه سائلوك
ايه حق الغلابه عليك
ايه الجواب بقا يا فكيك
هتقول الكرسى هواك
والا المال من كثرته غاوك
يا حسره عليك وعلى اللى معاك
حتى جوارحك ها يشهدوا عليك
وصار كل مظلوم خصمك
مات شهيد اوتحبس فى سجنك
او مات من الجوع فى عصرك
وانت ناسيهم وقاعد فى قصرك
وعايش فى ملاذاتك وهواك
فوق قبل الطامه ما تجيلك
ومن كتر الظلم تحط عليك
توب لله ربنا يهديك
محمد الصيرفى