حياتي... بقلم...احمد طلبه
حياتي...
بقلم...احمد طلبه
=====
نفسي أتكلم كتير
واحكي كل حاجه فيا
نفسي اشوف في الدنيا خير
أو في حد يخاف عليا
نفسي احس مره واحده
ويا حد بالأمان
نفسي أعيش زي أي واحده
مش مابين أربع حيطان
قد إيه الدنيا جاحده
ظلمها زاد عاللزوم
حاجه ليا بجد صعبه
واحده عايشه بدون أمان
ودا المكتوب
ودا العادي ومقتدر
ومطلوب صبري انا أيوب
ولا المحبوب
ولا كان ليا انا مقدر
وكنت في حبه ياما بدوب
أنا ساكته أنا هصبر
علي وجعي وعلي الحرمان
وكل شيء دا متقدر
ومش هقبل بإني اتهان
==============
في قلبي دموعي من جرحي
دي كتماها
واداري مشاكلي من ناس
كنت عارفاها
كفايا عليا في حياتي اللي شوفته كتير
خيانه وغدر من ناس كنت حباها
ولا هشكي ولا هدعي مادا المكتوب
دا عمر عليا بيعدي كمان محسوب
مادام القلب جوايا دا مش معيوب
في ناس في حياتي ولا عمري مسامحاها
أنا هفضل علي مبادئي ولا اتغير
ولا هجرح ولا هقسا ولا هغدر
وناس في حياتي دلوقتي أنا امحيها
ويبقي القرب ليا خلاص خط احمر
=========================
احمد طلبه
تعليقات
إرسال تعليق