حب قديم
========
أنا غيرها ومقبلش. اكون صوره لحب قديم
بتسهر ليها ماتنامش من الجرح اللي منها أليم
وعايش في الخيال ليها
ومتعذب كمان جواك
دي حالتك وأنت عيش بيها
لكني مش هكون وياك
كرامتي وعزتي بروحي قصادك أنت تبقي جحيم
ولا اقبل مس لطموحي. عشان حاله لحب قديم
=============================
بتكدب لما تحلفلي. نسيتها لما يوم سيبتها
لكنك لما بتشوفني. بتغلط ليه تقول أسمها
دي عايشه فيك بإحساسها
وتنكر فيك كمان حبها
عايزني اكون بإخلاصها
دي حاجه صعب انا اوصلها
ولا اقبل تبقي دي حكايتي ياريت تبقي مره حكيم
هترضا ازاي بي دي نهايتي اكون حاله لحب قديم
==============================
انا هبعد بعيد عنك حكايتي معاك انا كرهتها
لا هستنا في يوم منك تقولي إن انا زيها
أنا غيرها بشخصيه
ولا يمكن اكون شكلها
ياراسم روحك بضحيه
ودي حكايتك كمان كلها
وبعدك تبقي دي بدايتي وخليك عيش بحب يتيم
وبيك راح تبقي تضحيتي ولا ابقي حاله لحب قديم
================================
احمد طلبه
تعليقات
إرسال تعليق