..إرمي حمولك علي الستار...للشاعر رمضان البربري
.....إرمي حمولك علي الستار...للشاعر رمضان البربري
لية تفكر لية تحتار
لية تعيش في حيرة ونار
خلي حياتك تبأة بسيطة
وارمي حمولك علي الستار
خليك صاحي ليل ونهار
واجمع مالك بالقنطار
فين هي راحة البال
يا مشغول والكل فرار
أجمع واسرق ميهمكشي
أحرق واقتل ومتسألشي
بس الدنيا فانية ورايحة
والحلو فيها ميخصكشي
فية اخرة وفيها حساب
فيها جنة ونار وعذاب
وغلابة عيشتهم هباب
وساعتها راح منك الباب
بلطج بس خاف من بكرة
ومتفتيش وتقول دي نكرة
أصل إنت للحق هتكرة
وياويلك فعلا من بكرة
ريح نفسك ريح بالك
ولو عشت كدة هنيالك
رزقك محسوم وهيجي
وساعتها تقلي عقبالك
تعليقات
إرسال تعليق