... ** غنوة جيتار ** ... بقلم الشاعر... ناصر عطامحمد
... ** غنوة جيتار ** ...
بقلم الشاعر... ناصر عطامحمد
>>>>>>>>>>>>>
انا جيت اغني غنوتي
قفلوا الببان .. قفلوا الودان
كسروا البيانو والكمان
كتبت حرفين على الجدار
هدوا الحطان
جريت بحرفي على الورق
عزفت لحني ..واتسرق
بكى الجيتار
ورجعت تاني للبلد
من غير شعار
الحرف يصرخ والجيتار
ألحانه نار
والقلب عالق فى الزحام
بين العروبة والحصار
والتلج داب
حتي البيوت من هجركم
صبحت خراب
هناك ياقلبي ..
كانت حبيبتي
كوفية عملاها حجاب
لسه الكوفية بدمها
وجوه صدري بضمها
لكن حبيبي وأمها
تحت التراب
قلبي عشق ..
اجمل صبية في برها
والعشق علم ..
والبلد دي مهرها
وانا عشان عاشق حنان
لازم ابقى زيها
عمري وروحي مهر بلدي
مهر الكوفية وحضنها
وهناك معاها جوه جنة ربها
زفوا الشهيد والشهيدة
عروستي دافع مهرها
الحروف المحترقة الشاعر ناصر عطامحمد
تعليقات
إرسال تعليق