زجل عامي بعنوان... البنت الكسوانية بقلم...د . ملك محمود الأصفر

زجل عامي بعنوان
البنت الكسوانية
بقلم...د . ملك محمود الأصفر
.................................
كسوتنا نبع الحنية
والعيشة فيها هنية
شبابا أجدع شباب
وبناتا الوردة الجورية
فيها من كل الأذواق
البيضا اللي عيونا عسلية
والسمرة ست النسوان
والشقرا الحلوة النقية
......................
فيها الأصالة عنوان
وزنودا صلبة وقوية
وشبابا متل الغزلان
بطلتها الحلوة البهية
وصبايا عرق الريحان
علم وأناقة وحنية
وإذا بدك زين النسوان
خود البنت الكسوانية
......................
بتحس فيك بتحمل همك
بتطبخلك أكلة شهية
وعلى طول بتعمرلك بيتك
بطريقة حلوة وفنية
بتشرف على تربية ولادك
إيدا بإيدك يومية
وحكياتا أحلى من السكر
طلتها الشمس المضوية
............................................
بقلمي
د . ملك محمود الأصفر