...إتعلمت الصمت... للشاعر رمضان البربري
...إتعلمت الصمت...
للشاعر رمضان البربري
....................
وإتعلمت الصمت فى حبي
وإتعلمت أداري وخبي
ومش هقول ولا هتكلم
إلا لما تحسي بقلبي
وليا فيكي ألف عتاب
مهو إنتي كل الأحباب
وانا من طبعي بحبك
ومحستش مرة غياب
لأني عاشق بهدوء
كلى رقة وحسن وزوق
وأحب أعيش وأتقلب
وانا طاير طاير فوق
ويوم مايجيني حبك
هتلاقي ساعتها قلبك
حاضن قلبي بالغياب
واتهني واعيش قربك
واحكي حكاية صمتي
والبدر إللي زود حيرتي
والبنت الحلوة الجميلة
وساعتها تكوني إنتي
وتبأة ذكرياتي حقيقة
وحكاية عشقي البريئة
يسطروها في كتاب
مع البنت الحلوة الجريئة
تعليقات
إرسال تعليق